اسلام آباد(سپیشل رپورٹر) وزیر اعظم عمران خان نے کہا ہے کہ خیبر ٹیچنگ ہسپتال کو بہت کوششوں کے بعد مکمل طور پر ازسرنو اور جدید بنایا گیا۔ہفتے کو اپنے ٹویٹ میں انہوں نے کہا کہ نئے اورجدید ہسپتال کی تعمیر آسان ہے لیکن ہمارے موجودہ سرکاری ہسپتالوں کو ٹھیک کرنا بہت مشکل ہے ، میں خیبر ٹیچنگ ہسپتال کے بورڈ اور انتظامیہ کو ان کی کوششوں پر مبارکباد دیتاہوں۔وزیر اعظم نے ٹوئٹر پر خیبر ٹیچنگ ہسپتال کی تصاویر بھی شیئرکیں۔