لاہور(سپورٹس ڈیسک) کپتان بابر اعظم کی پھر سنچری ، پاکستان نے آسٹریلیا کو تیسرا ون ڈے 9 وکٹوں سے ہرا کر تین میچوں پر مشتمل سیریز 2-1 سے اپنے نام کر لی ۔ پاکستان نے کینگروز کے خلاف ون ڈے سیریز 20 سال بعد اپنے نام کی ہے ۔ قذافی سٹیڈیم میں پاکستان نے ٹاس جیت کر آسٹریلیا کو بیٹنگ کی دعوت دی اور کینگروز کی ٹیم 41.5 اوورز میں 210 رنز پر ڈھیر ہوگئی ۔ آسٹریلیا کی طرف سے ایلکس کیری نے 56 اور سین ایبٹ نے 49 رنز کی اننگز کھیلی ۔ گرین شرٹس کے حارث رئوف اور محمد وسیم نے تین تین ، شاہین شاہ آفریدی نے 2 جبکہ زاہد محمود اور افتخار احمد نے ایک ایک وکٹ حاصل کی ۔ پاکستان نے بابر اعظم کے ناقابل شکست 105 رنزاور امام الحق کے 89 رنز ناٹ آئوٹ کی بدولت ہدف 1 وکٹ کے نقصان پر 37.5 اوورز میں حاصل کر لیا ۔ بابر نے اپنی 16 ویں سنچری کے ساتھ محمد یوسف کو پیچھے چھوڑ دیا ۔ فخر زمان آئوٹ ہونیوالے واحد بیٹسمین تھے جو 17 رنز پر پویلین لوٹے ۔ کینگروز کے نیتھن ایلس نے واحد وکٹ حاصل کی ۔ بابر اعظم کو مین آف دی میچ اور مین آف دی سیریز قرار دیا گیا ۔ آسٹریلیا نے پاکستان کو پہلا ون ڈے 88 رنز جبکہ دوسرے میں پاکستان نے 6 وکٹوں سے فتح حاصل کی تھی ۔ پاکستان نے آخری مرتبہ کیگروز کیخلاف 2002 ء میں ایک روزہ میچوں کی سیریز جیتی تھی ۔
شاہینوں نے 20 سال بعد کینگروز کیخلاف سیریز جیت لی
اتوار 03 اپریل 2022ء
آج کے کالم
یہ خبر روزنامہ ٩٢نیوز لاہور میں اتوار 03 اپریل 2022ء کو شایع کی گی
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں