اسلام آباد (اے پی پی)وزیراعظم عمران خان سے برطانوی وزیراعظم بورس جانسن نے منگل کو ٹیلی فونک رابطہ کیا۔دو طرفہ تناظر میں وزیر اعظم عمران خان نے بات چیت کے دوران پاکستان کی طرف سے کوویڈ- 19 پر قابو پانے کیلئے اٹھائے گئے وسیع اقدامات پر روشنی ڈالی اور کہا کہ متعلقہ ڈیٹا برطانیہ کے ساتھ شیئر کیا گیا تھا۔ وزیر اعظم نے برطانوی وزیراعظم جانسن پر زور دیا کہ پاکستان کو ریڈ لسٹ سے خارج کیا جائے ۔