سری نگر( آن لائن ،کے پی آئی)مقبوضہ کشمیر میں شہریوں کی نسل کشی جاری ہے 2ماہ میں 29بھارتی جارحیت کا شکار ہوگئے ۔سرینگر میں فائرنگ سے پولیس انسپکٹر شیخ فردوس زخمی ہو گیا جس کے بعد بٹہ مالو کا محاصرہ، گھر گھر تلاشی کردی گئی ہے دوسری جانب شہریوں نے شہدائے زکورہ ، ٹینگ پورہ کو خراج عقیدت پیش کیا۔بھارتی فوج نے ہجیرہ آزاد کشمیر کے ایک شہری کو ایل او سی سے اغوا کر لیا ہے ، دلشان ولد محمد سعید ساکن ہجیرہ آزاد کشمیر کوضلع پونچھ میں لائن آف کنٹرول سے پکڑاگیا۔ تفصیلات کے مطابق جنوری میں 21 اور فروری میں قابض فوج نے نہتے 8 کشمیریوں کو شہید کیا ، کالے قانون کے تحت 107 سے زائد افراد کو حراست میں لیا گیا جبکہ پْرامن مظاہرین پر فائرنگ سے 10 افراد زخمی ہوئے ہیں۔