کراچی(مانیٹرنگ ڈیسک) پاکستان نے ویسٹ انڈیز کو تیسرا میچ 7وکٹوں سے ہرا کر ٹی ٹونٹی سیریز میں3 سال بعد کلین سویپ کر دیا ۔ کراچی میں کھیلے جانیوالے تیسرے میچ میں ویسٹ انڈیز نے ٹاس جیت کر پہلے بیٹنگ کا فیصلہ کیا اور مقررہ اوورز میں کالی آندھی کی ٹیم نے 3 وکٹوں پر 207 رنز بنائے جس میں وکٹ کیپر بیٹسمین نکولس پورن نے سب سے زیادہ 64 رنز بنائے ۔ بروکس نے 49 اور برینڈن کنگ نے 43 رنز کی اننگز کھیلی ۔ پاکستان کی طرف سے بائولنگ کرتے ہوئے محمد وسیم نے دو اور شاہنواز دھانی نے ایک وکٹ حاصل کی ۔جواب میں پاکستان نے مقررہ ہدف 18.5 اوورز میں 3 وکٹوں پر حاصل کر لیا ۔ محمد رضوان 87 بابر اعظم 79 فخر زمان 12 رنز بنا کر آئوٹ ہوئے ۔ آصف علی 21 اور افتخار احمد 1 سکور کرنے میں کامیاب رہے ۔ ویسٹ انڈیز کی طرف سے شیفرڈ ، ڈریکس اور سمتھ نے ایک ایک وکٹ حاصل کی ۔محمد رضوان مین آف دی میچ کے علاوہ مین آف دی سیریز قرار پائے ۔ یاد رہے کہ کالی آندھی کو پہلے ٹی ٹونٹی میں 63 دوسرے میں 9 رنز سے شکست کا سامنا کرنا پڑا تھا ۔ 2018ء میں بھی پاکستانی ٹیم ویسٹ انڈیز کو کراچی میں کلین سویپ کر چکی ۔
ویسٹ انڈیزکو وائٹ واش: پاکستان نے 208رنز کا ہدف بھی باآسانی حاصل کرلیا
جمعه 17 دسمبر 2021ء
آج کے کالم
یہ خبر روزنامہ ٩٢نیوز لاہور میں جمعه 17 دسمبر 2021ء کو شایع کی گی
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں