برصغیرکی تاریخ میں غالب ؔاور میر تقی میرؔجیسے اب کبھی بھی پیدا نہیں ہونگے ادب اور شاعری کے یہ روشن ستارے قیامت تک اپنی گفتار اور شاعری کی وجہ سے زندہ رہیں ، استاد ذوق اور مرزا سودا بھی اپنی شاعری کے ذریعے بہت عرصہ ادب میں نمایاں رہے لیکن جوبات غالب ؔاور میرؔ کی شاعری میں ہے وہ ذوق ، سودا اور مومن خان مومن کو چھو کر بھی نہیں گزری لیکن افسوس کہ غالب ؔاور میر کو ؔاپنی حیات میں بے قدری،معاشی تنگ دستی اور دیگر مسائل نے اپنی گرفت میں لیے رکھا۔ بڑے لوگوں کے ساتھ یہی المیہ ہوتا ہے کیونکہ وہ زمانہ ساز ، خو د غرض منافق اور جھوٹے نہیں ہوتے اس لیے وہ زمانے کے ساتھ نہیں چل سکتے جبکہ ہر جھوٹا ، مکار، خود غرض اِس زمانے کی آنکھ کا تارا بنا رہتا ہے لیکن وہ عزت ، وقار اور مرتبے سے محروم رہتا ہے جبکہ سچا اور کھر اانسان وقتی طور پر مشکلات کا شکار ضرورہوتا ہے لیکن پھر طویل مدت لوگوں کے دلوں پر راج کرتا ہے ۔ برسوںپہلے 1996ئمیں جب میںلاہور میں روزنامہ آزاد کے ساتھ وابستہ تھا یہ اخبار کچھ عرصہ تک ساہیوال کے ایک پروفیسر عبدالرشید صاحب نے پوری آب وتاب کے ساتھ نکالا تھالیکن صرف دو سال کے عرصہ میں صحافت کا یہ پھول بھی مرجھا گیا تو اُس دور میں ہم چونکہ دن رات صحافت کے جنون کا شکار تھے پھر ایک دن ایسا ہوا کہ انار کلی کے ایک ہوٹل میں جا نکلے کیونکہ وہاں پر ہمارے دوست خلیفہ ریاض صاحب ڈیرہ غازی خان سے آکر ٹھہرا کرتے تھے اُن دنوں وہ لاہور آئے ہوئے تھے۔ لاہور تہذیب و تمدن کا مرکز ہے اور پھر وہ انار کلی بازار کہ جس کی دھوم پورے بر صغیر میں رہ چکی ہو اور وہ انار کلی کہ 1929ئ میںجب پنڈت جواہر لعل نہرو لاہور آیا تو پورا انارکلی اپنے پورے جوبن پر تھا جواہر لعل نہرو کے والدین نے انار کلی میں ہی بھلہ شو کمپنی کے دفتر کی چھت پر چڑھ کر اپنے بیٹے کے جلوس پر چاندی کی اشرافیاں نچھاور کی تھیں ۔ خیر جب ہم ہوٹل خلیفہ ریاض صاحب سے ملنے جایا کرتے تھے اور پھر وہی پر مقیم اُستاد غلام حسین کتھک عرف مہاراج کتھک سے ملاقاتوں کا سلسلہ شروع ہوا مہاراج کتھک اُن دنوں کافی بوڑھے ہو چکے تھے لیکن دلی اور کلکتہ کی یادیں ابھی اُن میں پوری آن اور بان کے ساتھ زندہ تھیں۔ مہاراج غلام حسین اپنے اُستاد انڈین شیکسپئر آغا حشر کاشمیری کے بہت بڑے مداح تھے جو بہت بڑے ڈرامہ نگار تھے اور ساتھ ہی رمزیہ شاعری بھی غضب کی کیاکرتے تھے۔ اسٹیج ڈراموں سے اُنہوں نے پورے بر صغیر میں نام پیدا کیا جبکہ ایک زمانہ میں وہ عیسائیوں کے ساتھ منا ظرے بھی کیا کرتے تھے بلا کے ذہین اور حاضر جواب تھے آخری عمر میں مختار بائی کے ساتھ عشق کیا اور پھر بڑھاپے کے عشق نے اُن کی جان ہی لے لی تھیْ اُن کی قبر لاہور میانی صاحب میں ہے ۔ 1935ئ میں آغا حشر کاشمیری فوتگئے فوت ہو گئے ۔ مہاراج غلام حسین کتھک نے ایک پاکستانی فلم سرگم میں بھی کام کیا تھا یہ فلم عدنان سمیع اور زیبا بختیار نے بنائی تھی کیونکہ یہ دونوں فنکار اُستاد غلام حسین کتھک کے شاگرد تھے ۔ اس لیے اُنہوں نے مہاراج غلام حسین کتھک کو اپنی ذاتی فلم سر گم میں کام کرایا تھا ۔ شیخ امجد حسین ایڈووکیٹ جو اُن دنوں پہلے کالج میں زیر تعلیم تھے وہ بھی مہاراج غلام حسین کتھک اور خواجہ حسان کے ساتھ حضرت علامہ اقبال کے نواسے میاں صلاح الدین سے ملنے جایا کرتے تھے۔ شیخ امجد حسین ایڈووکیٹ لاہور سے بے حد پیار کرتے ہیں اور لاہور کی ثقافت اور روایات کے سچے امین ہیں۔ لاہور کے عشق میں ہر وقت ڈوبے رہتے ہیں اسی طرح سے ہمارے ڈیرہ غازی خان کی ایک اور آخری نشانی اُستاد مستری حمید جو ناز سینما کے مالک تھے گذشتہ دنوں ایک سو برس کی عمر میں انتقال کر گئے ہیں اُن کو میں نے خود 1998ئ میں لاہور لکشمی چوک پر درجنوں مرتبہ دیکھا اورملاہوں وہ بھی یہی کہتے تھے کہ لاہور آکر جو سکون ملتا ہے وہ کہیں اور نہیں ملتا۔ لاہور کی ایک اور خوب صورت شخصیت خواجہ جاوید صحاف صاحب کی ہے کہ جو مولانا سید عبدالقادر آزاد سابق خطیب بادشاہی مسجد کے مرید خاص اور اُن کے فرزند موجودہ خطیب بادشاہی مسجد اور چیئرمین روایت ہلال کمیٹی مولانا سید عبدالخبیر آزاد کے پروانے ہیں۔ خواجہ جاوید صحاف صاحب بھی لاہور کے تمام قدیم دروازں اورانار کلی کی چلتی پھرتی تاریخ ہیں کبھی اُن کے بارے میں بھی اظہار خیال کریں گے توایسے لوگ دراصل ہماری تاریخ اور روایات کے اصل امین ہیں۔ افسوس کہ ہم نے اپنی روایات اور تاریخ کو پس پشت ڈال دیا ہے ہم صرف مادیت پرستی میں مست ہیں جولوگ قابل تقلید تھے ہم نے اُن کو یکسر فراموش کر دیا ہے شہرت اور دنیا داری کے چکر میں ہم نے اپنا سب کچھ کھو دیا ہے اس لیے تو ہم نے اپنی ترقی کے دروازے اپنے آپ پر بند کر دیئے ہیں۔ وگرنہ قدرت نے ہمیں کتنا خوب صورت ملک دیا ہے اور دنیا کی تمام نعمتیں ہمیں عطا کی ہیں لیکن ہم اپنا سب کچھ گنوا رہے ہیں۔ ہم صرف اِس وقت راکھ کا ڈھیر بن چکے ہیں سیاست کو ہم نے گالی بنا دیا ہے ہمارے تمام ادارے روز بروز سیاست کا شکارہو کر تباہ ہوتے جا رہے ہیں کیونکہ جب ادارے میں بھی سیاست آجاتی ہے تو پھر ادارے بھی سیاسی ہوس کا شکار ہو کر تباہ ہوجاتے ہیں جیسے حضرت غالب ؔاور میر ؔکے زمانے میں دلی اور دیگر ہندوستان تباہ ہوا تھا لیکن اُن کے بعد تو داغ ، حالی اور اقبال نے پھر بھی بر صغیر کی لاج رکھ لی تھی لیکن اب تو کچھ نہیں بچا ۔
نہ جنوں رہا نہ پری رہی
منگل 06 فروری 2024ء
برصغیرکی تاریخ میں غالب ؔاور میر تقی میرؔجیسے اب کبھی بھی پیدا نہیں ہونگے ادب اور شاعری کے یہ روشن ستارے قیامت تک اپنی گفتار اور شاعری کی وجہ سے زندہ رہیں ، استاد ذوق اور مرزا سودا بھی اپنی شاعری کے ذریعے بہت عرصہ ادب میں نمایاں رہے لیکن جوبات غالب ؔاور میرؔ کی شاعری میں ہے وہ ذوق ، سودا اور مومن خان مومن کو چھو کر بھی نہیں گزری لیکن افسوس کہ غالب ؔاور میر کو ؔاپنی حیات میں بے قدری،معاشی تنگ دستی اور دیگر مسائل نے اپنی گرفت میں لیے رکھا۔ بڑے لوگوں کے ساتھ یہی المیہ ہوتا ہے کیونکہ وہ زمانہ ساز ، خو د غرض منافق اور جھوٹے نہیں ہوتے اس لیے وہ زمانے کے ساتھ نہیں چل سکتے جبکہ ہر جھوٹا ، مکار، خود غرض اِس زمانے کی آنکھ کا تارا بنا رہتا ہے لیکن وہ عزت ، وقار اور مرتبے سے محروم رہتا ہے جبکہ سچا اور کھر اانسان وقتی طور پر مشکلات کا شکار ضرورہوتا ہے لیکن پھر طویل مدت لوگوں کے دلوں پر راج کرتا ہے ۔ برسوںپہلے 1996ئمیں جب میںلاہور میں روزنامہ آزاد کے ساتھ وابستہ تھا یہ اخبار کچھ عرصہ تک ساہیوال کے ایک پروفیسر عبدالرشید صاحب نے پوری آب وتاب کے ساتھ نکالا تھالیکن صرف دو سال کے عرصہ میں صحافت کا یہ پھول بھی مرجھا گیا تو اُس دور میں ہم چونکہ دن رات صحافت کے جنون کا شکار تھے پھر ایک دن ایسا ہوا کہ انار کلی کے ایک ہوٹل میں جا نکلے کیونکہ وہاں پر ہمارے دوست خلیفہ ریاض صاحب ڈیرہ غازی خان سے آکر ٹھہرا کرتے تھے اُن دنوں وہ لاہور آئے ہوئے تھے۔ لاہور تہذیب و تمدن کا مرکز ہے اور پھر وہ انار کلی بازار کہ جس کی دھوم پورے بر صغیر میں رہ چکی ہو اور وہ انار کلی کہ 1929ئ میںجب پنڈت جواہر لعل نہرو لاہور آیا تو پورا انارکلی اپنے پورے جوبن پر تھا جواہر لعل نہرو کے والدین نے انار کلی میں ہی بھلہ شو کمپنی کے دفتر کی چھت پر چڑھ کر اپنے بیٹے کے جلوس پر چاندی کی اشرافیاں نچھاور کی تھیں ۔ خیر جب ہم ہوٹل خلیفہ ریاض صاحب سے ملنے جایا کرتے تھے اور پھر وہی پر مقیم اُستاد غلام حسین کتھک عرف مہاراج کتھک سے ملاقاتوں کا سلسلہ شروع ہوا مہاراج کتھک اُن دنوں کافی بوڑھے ہو چکے تھے لیکن دلی اور کلکتہ کی یادیں ابھی اُن میں پوری آن اور بان کے ساتھ زندہ تھیں۔ مہاراج غلام حسین اپنے اُستاد انڈین شیکسپئر آغا حشر کاشمیری کے بہت بڑے مداح تھے جو بہت بڑے ڈرامہ نگار تھے اور ساتھ ہی رمزیہ شاعری بھی غضب کی کیاکرتے تھے۔ اسٹیج ڈراموں سے اُنہوں نے پورے بر صغیر میں نام پیدا کیا جبکہ ایک زمانہ میں وہ عیسائیوں کے ساتھ منا ظرے بھی کیا کرتے تھے بلا کے ذہین اور حاضر جواب تھے آخری عمر میں مختار بائی کے ساتھ عشق کیا اور پھر بڑھاپے کے عشق نے اُن کی جان ہی لے لی تھیْ اُن کی قبر لاہور میانی صاحب میں ہے ۔ 1935ئ میں آغا حشر کاشمیری فوتگئے فوت ہو گئے ۔ مہاراج غلام حسین کتھک نے ایک پاکستانی فلم سرگم میں بھی کام کیا تھا یہ فلم عدنان سمیع اور زیبا بختیار نے بنائی تھی کیونکہ یہ دونوں فنکار اُستاد غلام حسین کتھک کے شاگرد تھے ۔ اس لیے اُنہوں نے مہاراج غلام حسین کتھک کو اپنی ذاتی فلم سر گم میں کام کرایا تھا ۔ شیخ امجد حسین ایڈووکیٹ جو اُن دنوں پہلے کالج میں زیر تعلیم تھے وہ بھی مہاراج غلام حسین کتھک اور خواجہ حسان کے ساتھ حضرت علامہ اقبال کے نواسے میاں صلاح الدین سے ملنے جایا کرتے تھے۔ شیخ امجد حسین ایڈووکیٹ لاہور سے بے حد پیار کرتے ہیں اور لاہور کی ثقافت اور روایات کے سچے امین ہیں۔ لاہور کے عشق میں ہر وقت ڈوبے رہتے ہیں اسی طرح سے ہمارے ڈیرہ غازی خان کی ایک اور آخری نشانی اُستاد مستری حمید جو ناز سینما کے مالک تھے گذشتہ دنوں ایک سو برس کی عمر میں انتقال کر گئے ہیں اُن کو میں نے خود 1998ئ میں لاہور لکشمی چوک پر درجنوں مرتبہ دیکھا اورملاہوں وہ بھی یہی کہتے تھے کہ لاہور آکر جو سکون ملتا ہے وہ کہیں اور نہیں ملتا۔ لاہور کی ایک اور خوب صورت شخصیت خواجہ جاوید صحاف صاحب کی ہے کہ جو مولانا سید عبدالقادر آزاد سابق خطیب بادشاہی مسجد کے مرید خاص اور اُن کے فرزند موجودہ خطیب بادشاہی مسجد اور چیئرمین روایت ہلال کمیٹی مولانا سید عبدالخبیر آزاد کے پروانے ہیں۔ خواجہ جاوید صحاف صاحب بھی لاہور کے تمام قدیم دروازں اورانار کلی کی چلتی پھرتی تاریخ ہیں کبھی اُن کے بارے میں بھی اظہار خیال کریں گے توایسے لوگ دراصل ہماری تاریخ اور روایات کے اصل امین ہیں۔ افسوس کہ ہم نے اپنی روایات اور تاریخ کو پس پشت ڈال دیا ہے ہم صرف مادیت پرستی میں مست ہیں جولوگ قابل تقلید تھے ہم نے اُن کو یکسر فراموش کر دیا ہے شہرت اور دنیا داری کے چکر میں ہم نے اپنا سب کچھ کھو دیا ہے اس لیے تو ہم نے اپنی ترقی کے دروازے اپنے آپ پر بند کر دیئے ہیں۔ وگرنہ قدرت نے ہمیں کتنا خوب صورت ملک دیا ہے اور دنیا کی تمام نعمتیں ہمیں عطا کی ہیں لیکن ہم اپنا سب کچھ گنوا رہے ہیں۔ ہم صرف اِس وقت راکھ کا ڈھیر بن چکے ہیں سیاست کو ہم نے گالی بنا دیا ہے ہمارے تمام ادارے روز بروز سیاست کا شکارہو کر تباہ ہوتے جا رہے ہیں کیونکہ جب ادارے میں بھی سیاست آجاتی ہے تو پھر ادارے بھی سیاسی ہوس کا شکار ہو کر تباہ ہوجاتے ہیں جیسے حضرت غالب ؔاور میر ؔکے زمانے میں دلی اور دیگر ہندوستان تباہ ہوا تھا لیکن اُن کے بعد تو داغ ، حالی اور اقبال نے پھر بھی بر صغیر کی لاج رکھ لی تھی لیکن اب تو کچھ نہیں بچا ۔
آج کے کالم
یہ کالم روزنامہ ٩٢نیوز لاہور میں منگل 06 فروری 2024ء کو شایع کیا گیا
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں