لاہور(سپورٹس رپورٹر)انٹر ڈسٹرکٹ اسکولز اور کالجیٹ دو روزہ گرلز ایتھلیٹکس چیمپئن شپ کنئیرڈ کالج لاہور میں شروع ہوگئی۔ چیئرمین بورڈ انٹر سیکنڈری ایجوکیشن ڈاکٹر مرزا حبیب علی نے افتتاح کیا۔اسکولز سو میٹر ریس میں کنزہ سرفراز فاتح رہیں۔عمارہ نے دوسری اور عروج ندیم نے تیسری پوزیشن حاصل کی۔ جیولن تھرو میں رمشہ پہلے اور سویرا عابد دوسرے نمبر پر رہیں۔چار سو میٹر ریس میں آمنہ ارشد نے پہلی پوزیشن اپنے نام کی ۔