لاہور(کلچرل رپورٹر)گلوکار فرحان سعید اور اداکارہ و ماڈل عروہ حسین نے طویل عرصے پر محیط علیحدگی کے بعد ایک بار پھر ایک ساتھ رہنے کا فیصلہ کر لیا ہے ۔عروہ حسین اور فرحان سعید کی علیحدگی کی خبروں پر لاکھوں دل ٹوٹے تھے ، اس خوبصورت جوڑی کے چاہنے والے اس خبر کو ہضم نہیں کر پائے تھے کہ اب یہ جوڑی علیحدہ ہو چکی ہے ۔دوسری جانب حالیہ سامنے آنے والی نئی چہ مگوئیوں نے سب ہی کو خوش کر دیا ہے شوبز حلقوں مطابق فرحان سعید اور عروہ حسین اب مزید علیحدگی کی زندگی نہیں گزاریں گے ، یہ جوڑی اب ازدواجی زندگی کی جانب واپس آ چکی ہے ۔واضح رہے کہ گزشتہ دنوں فرحان سعید اور عروہ حسین نے ایک ساتھ اداکارہ زارا نور عباس کی سالگرہ میں شرکت کی تھی۔