لاہور(سٹاف رپورٹر )ملی مسلم لیگ کے صدر سیف اﷲ خالد نے کہاہے کہ ہمارا مقابلہ کسی سیاسی پارٹی نہیں نظریہ پاکستان کے دشمنوں سے ہے ۔قوم پچیس جولائی کو کرسی پر مہر لگائے اور محب وطن امیدواروں کو کامیاب کرے ۔ ملی مسلم لیگ ملک کو مغرب کی غلامی سے نجات دلائے گی۔ہم نے سیاست کا آغاز کاروبار نہیں عبادت سمجھ کرکیا ہے ۔سودی نظام کا خاتمہ کرکے پاکستان کی معیشت کو مضبوط اور دفاع کو مستحکم کریں گے ۔ہم میدان سیاست میں اترے ہیں،گلی گلی کوچے کوچے نظریہ پاکستان کی دعوت پہنچائیں گے ۔