لاہور(خصوصی رپورٹر) مسلم لیگ ن نے پولنگ ڈے کے موقع پر اپنے مینڈیٹ کو محفوظ بنانے کے لئے تیاریاں شروع کردی ہیں،مسلم لیگ ن کے امیدواروں نے اپنے حلقوں میں پولنگ ایجنٹوں کی تربیت اور حالات کے مطابق انہیں ہر قسم کاردعمل ظاہر کرنے کی تربیت دی جارہی ہے ،گزشتہ روز صوبائی اسمبلی کے حلقہ پی پی147میں مسلم لیگ ن کے امیدوار مجتبی شجاع الرحمن نے گزشتہ روز پولنگ ایجنٹس کے ساتھ میٹنگ کی اور ان کو اس حوالے سے بریفنگ دی گئی اور انہیں الیکشن کے روز پر ذہنی چوکس رہنے کی ہدایت کی۔