انقرہ(شوبز ڈیسک)ترک ڈراموں کے بعد ترک فلمیں بھی اب پاکستانی سینماؤں کی زینت بننے کے لیے تیار ہیں، جہاں پہلی فلم آئیلہ 11 فروری کو ریلیز کی جارہی ہے ۔پاکستانی فلمی شائقین کو معیاری فلموں کی تفریح دینے کے لیے ڈسٹری بیوشن کلب نے ترک زبان میں بننے والی عالمی شہرت یافتہ فیچر فلم آئیلہ کی نمائش کا اہتمام کیا ہے جو پاکستانی سینماؤں کی زینت بننے والی پہلی ترکش فلم ہوگی۔ڈسٹری بیوشن کلب کے ایگزیکٹو منیجر شیخ عابد رشید نے بتایا کہ فلم آئیلہ کو خصوصی طور پر اردو زبان میں ڈب کروایا گیا ہے ۔