کراچی(این این آئی)زیرو ریٹنگ سہولت کے خاتمے کے بعد5بڑی برآمدی صنعتوں پر17فیصد سیلز ٹیکس عائد کردیا گیا ہے ۔جس کا اطلاق یکم جولائی سے ہوگا۔ ریونیو ڈویژن کی جانب سے چیف تمام کمشنر زان لینڈ ریونیو کو مراسلہ جاری کیا گیا ہے کہ زیرو ریٹ کی سہولت کے خاتمے کے بعد مذکورہ صنعتوں کی پیداوار کی نگرانی کی جائے اور یکم جولائی سے قبل ان کے پاس موجود فروخت کے لیے تیار مال کی فہرست مرتب کی جائے ۔ ذرائع کا کہنا ہے کہ 5 بڑی برآمدی صنعتوں کے پاس بڑے پیمانے پر انوینٹری موجود ہے جو ایکسپورٹ یا مقامی سیلز کے لیے تیار کی گئی۔ٹیکس حکام کو ہدایت کی گئی ہے مذکورہ صنعتوں کے گوداموں میں موجود انوینٹری کا تخمینہ لگایا جائے ۔