لاہور (نیٹ نیوز) وفاقی تحقیقاتی ادارے نے حریم شاہ اور صندل خٹک ہراسانی کیس میں اپنا جواب عدالت میں جمع کرادیا، لاہور کی سیشن عدالت میں ایف آئی اے کے خلاف ٹک ٹاک گرل صندل خٹک اور حریم شاہ کو ہراساں کرنے کے کیس کی سماعت ہوئی، ایف آئی اے نے الزامات سے متعلق اپنا جواب جمع کر ادیا، ایف آئی اے کی طرف سے انسپکٹر منعم بشیر چوہدری نے جواب میں کہا صندل خٹک اور حریم شاہ کیخلاف ایف آئی اے پنجاب کو درخواست ملی جس میں کہا گیاکہ دونوں خواتین نے سوشل میڈیا پر ویڈیوز اپلوڈ کیں اور مجھ پر من گھڑت اور بے بنیاد الزامات لگائے ، ان کیخلاف انکوائری کی جائے ، انسپکٹر ایف آئی اے نے کہا شکایت گزار کے الزامات پر صفائی اور جواب کے لیے دونوں خواتین کو طلب کیا گیا، لیکن 5 مرتبہ بلانے کے باوجود وہ پیش نہ ہوئیں، اس کے باوجود ان کے خلاف کوئی ایکشن نہیں لیا گیا اور دونوں خواتین سمیت ان کے خاندان کے کسی رکن کو بھی ہراساں نہیں کیا۔