اسلام آباد،لاہور(92نیوزرپورٹ،آن لائن)اسلام آباد ہائی کورٹ نے قائد مسلم لیگ (ن) نواز شریف کی رہائی کیلئے روبکار جاری کر دی،روبکارسپرنٹنڈنٹ جیل کوٹ لکھپت کے نام کوریئرکے ذریعے جاری کی گئی،ضمانتی کی جانب سے اسلام آبادہائیکورٹ میں مچلکے جمع کرادیئے گئے ،مچلکے جمع ہونے پر روبکارجاری کردی گئی۔ادھر ن لیگی رہنماؤں سیف الملوک کھوکھر اور فیصل سیف کھوکھر نے نواز شریف کے ایک ایک کروڑ روپے کے دو ضمانتی مچلکے احتساب عدالت لاہور میں جمع کرا دیئے جس کے بعدقائد ن لیگ کی رہائی کی روبکار جاری کر دی گئی۔