ڈبلن(سپورٹس ڈیسک)آئرلینڈ کے نامور پروفیشنل گالفر گریم میک ڈوول جلد پاکستان آنے کے منتظر ہیں، انہوں نے سوشل میڈیا اکاؤنٹ سے ’’ہیلو پاکستان‘‘ بھی کہا۔ آئرلینڈ کے گالفر گریم میک ڈوول نے سوشل میڈیا اکاؤنٹ پر پاکستان میں گالف کھیلنے کی نوید سنا دی۔انہوں نے کہا کہ ہیلو پاکستان، میں بہت پرجوش اور پاکستان جلد آنے کا منتظر ہوں۔پروفیشنل گالفر نے یہ بھی کہا کہ میں رومینزا گالف کورس کی افتتاحی چیمپئن شپ کھیلنے آرہا ہوں ،جلد ملاقات ہوگی 26 اور 27 فروری کو رومینزا گالف کلب ملتان میں۔