ظفروال (تحصیل رپورٹر) 25 جولائی کو عوام کے ووٹ کی طاقت سے کرپٹ مافیا کا خاتمہ ہوجائے گا،عوام تبدیلی لانے کے لیے ذہن بنا چکے ہیں،تحریک انصاف برسر اقتدار آکر ملک سے کرپشن کے ناسور کا خاتمہ کرے گی۔ ان خیالات کا اظہار تحریک انصاف کے امیدوار این اے 77 میاں محمد رشید نے ظفروال میں ایک بڑے انتخابی جلسہ سے خطاب کرتے ہوئے کیا۔ جلسہ سے امیدوار پی پی 46 چودھری اویس قاسم خان نے خطاب کرتے ہوئے کہا کہ تحریک انصاف برسر اقتدار آکر عوام سے کیے گئے تمام وعدے پورے کرے گی۔