کراچی(سٹاف رپورٹر) پاک سرزمین پارٹی سینٹرل آج 26 دسمبر کو حسن سکوائر پر سندھ حکومت کے سیاہ بلدیاتی قانون کے خلاف احتجاجی مظاہرہ کرے گی، چئیرمین مصطفیٰ کمال کا کہنا ہے کہ پیپلز پارٹی کی سندھ دشمن پالیسیوں کے خلاف ہر حد تک جائیں گے ، یہ ملک ہمارے آباؤ اجداد نے قربانیاں دیکر بنایا تھا، جس طرح مہاجروں کو ایم کیو ایم بانی سے بچایا، ویسے ہی سندھیوں کو آصف زرداری اور پیپلز پارٹی کے چنگل سے بچائیں گے ، سندھ تب آزاد ہوگا، جب عوام پیپلز پارٹی کے چنگل سے آزاد ہوگی۔