ویانا( نیٹ نیوز) اگلے ماہ 25 اپریل کو ہوابازی کی تاریخ میں ایک دلچسپ مظاہرہ براہِ راست نشر کیا جائے گا جس میں دو پروپیلرطیاروں کو ایک مخصوص بلندی تک لے جایا جائے گا۔ اس بلندی پر دونوں پائلٹ طیارے سے جست لگائیں گے اور نوز ڈائیونگ کرکے نیچے گرتے طیارے پر اتریں گے ۔ اس طرح دونوں ہواباز دورانِ پرواز ہی طیارے کا تبادلہ کریں گے ۔اس مظاہرے کا اہتمام ریڈبل کمپنی نے کیا ہے جسے بعض افراد نے دلچسپ اور کچھ لوگوں نے احمقانہ قرار دیا ہے ۔